لا يا برودك تعتذر عقب ماصار

وللحين جرحي من نزف ماغسلته

شبيت من شمع المودة لك النار

على كفوفي من غلاتك شَعَلته

وأخطيت في حقي وأنا مـا آخذ الثار

ياما دفنت بوسط قلبي وشلته

ياما تنازلت وتجرعت الامرار

وقصْرَت خْطاي ومطلبي ماوصلته

لاحيت للورق وتحاشيت الأسرار

في قاف شعرٍ لافتلته فتلته

وليا لعب وهج المشاعر بـالاوتار

قوّيت قلبي بالصبر وامتثلته

أغار من نفسي على نفسي اغار

ما ادري قتلني الصمت والا قتلته

ينزع مراتع بسطي الطير,لاطار

وش عاد لو ماجا على البال قلته

وأحتار في بعض المواقف والاقدار

وشلون تنقض ماتعبت وجدلته

أدري وربي لي مكانه ومقدار

وأدري ملكته خافقك من دخلته

بس العجاج يْعكّر الجو لاثار

وشر الحليم ليا غضب,ماجهلته

مالك عذر, لاتعتذر مـا اقبل اعذار

عذرك ولو ترقى السما ماقبلته

- شاعرة نجد