تفويض

يالوسم خذ كبدي بدال القاع

اللي دبلها الوقـت وايسمها

ما دام لك بالغيم والذعذاع

ترى الظما ما زال ضايمها

* *

تساؤل

يابو فدى وش زهّد الزهّاد

يا كم بعيد ومنك يا قربه

لا تحسب الغربه فراق بلاد

بعض البـلاد بذاتها غربه

* *

طلب

لا تعذل الليل لا حندس ظلامه

شب له نار السهر واكرم ضيوفه

وكان في صدرك مشاريه وملامه

كل حيٍ بالعرب يشكي ظروفه

* *

مرحلة

تمضي الأيام والدنيا مراحل

وأنتي احلى مرحلة مريت فيها

يا بعد كل المواني والسواحل

وما رسى فيها ومن مروا عليها

- بندر بن ضيدان