شفي شمال ولهله البرق قبله
واستاحشت روحي وأنا قبل مرتاح
نقّض جروحي مرزمه وانجذبله
هيّض خفوقي منحياً بارقه لاح
اقفى يقود مرودماً مرتكبله
تتليه غراً.. كنها ضوح الاصباح
كريم يا مزنٍ غشا القاع وبله
بالزود لو أنه على ديرتي طاح
والله لو شاور طروباً طربله
كان يتمثنى واكفه هاك الاسياح
يسقي ضما الوادي محيره ودبله
ويروي افياضاً عليها العزا.. باح
يالايمي روحي من الوجد ذبله
يا حلو..مصباحاً بها عقب مرواح
فوق ادهماً مابيّد الوقت ربله
من شركته ماطب ورشات الاصلاح
اللى بداله شايحاً ينشذبله
له في قرار ململم القرن مشواح
منوة غريباً ضيّق الوقت سبله
راحت حياته بالمنى والعمر راح
رجلٍ.. قصر من دون مشهاه حبله
عن مقبله وجه الزمن بالقسى شاح
- الشاعر: محمد النصرة
