بنساك لكن دام هالجرح ما طاب |
بنساك وارجع من ورا جرحي أذكرك |
ما هو أمل لن الأمل داخلي خاب |
هذا مرار اليأس فيني.. وأبشرك |
ماتت بي الشرهة.. ولا باقي عتاب |
حتى المدامع تبتسم غصب.. تشكرك |
أرضيت بي ناسك وأنا (زي) (وش جاب) |
أنا خسرت الناس من شان ما اخسرك |
هي غلطة اللي ما حسب للخطا حساب |
والا انت يا ابن آدم عسى الله يسترك |
اللي يسلم راحته بين الأنياب |
ذنبه على جنبه.. ولو تفركه فرك |
يا حلم عمري وأدري (الحلم) كذاب |
الا انت مدري ليه دايم أفسرك |
مهما تخالف واقعي فيك وأرتاب |
يبقى جنوني يعتذر لي ويعذرك |
أزريت أجاوب حيرتي.. وأخلق أسباب |
أنكرتني وشلون أنا مقدر أنكرك |
وخيّرت قلبٍ عن مماشيك ما تاب |
اما يوخر عنك وإلا يوخرك |
وأثرك محبة تعتلي حد الإعجاب |
تضوي خفوقي.. لو عيوني تعذرك |
النفس طابت.. لكن الجرح ما طاب |
لو ما ذكرتك.. يكفي الجرح يذكرك |
مشاري البواريد |
|
