وقلبي اللي به طعونٍ خفايا |
اليا تشالا هيضنه طواريه |
خطرن تكسر من عليه الحنايا |
لو ما اتصير واتخيل وامنيه |
يمكن تمزع داخلٍ في حشايا |
والا تقطع من حنينه عراويه |
على الذي طيفه امقيمٍ معايا |
بكل وقتي بس أهلي والبيه |
امسي جفوني من دموعي حفايا |
واصبح عيوني تنتظر له تراعيه |
الغالي اللي ما نقص له غلايا |
من زود حبي له اصوت واناديه |
يا غاية ابعاد المنى في هوايا |
ويش الذي يرضى جنابك وبدنيه |
لك مضحي كل المشاعر هدايا |
وحرف القصيد اللي سمت بك معانيه |
بحل اختصر في قصتي لك حكايا |
ومن يشتكي فرقا حبيبه يغنيه |
شعر الحزين اللي طعونه خفايا |
اليا تشالن هيضنها طواريه |
عبدالله بن عسكر |
|
