هذه قصيدة فهيد ابن سكران رداً على بعض شعراء أهل الدوادمي الذين طمحوا بنت عمر القويز عن عثمان الخراشي والبنت من أهل الدوادمي والخراشي من أهل أشيقر حيث قالوا: |
بالعون ياغض النهد حظك اقشر |
ما حشت من خطلان الايدي الهشاشي |
ما حاش لك حظك حذا عود اقشر |
شايب وشين وفي عيونه غطاشي |
وامنول تسوى ثمانمية صر |
واليوم ما تسوى من البوش حاشي |
يا الله عسى وسامة الباب للشر |
ما منهم اللي رد عنها الخراشي |
وردت عليهم أو رد على لسانها: |
ذا لي ثمان سنين وانا اتصبر |
ماشفت منكم يا الجماعة نطاشي |
فرد فهيد بن سكران يقول: |
يا راكبين اكوار هجن مسطر |
فج العضود مبعدات المماشي |
لاهنب لاحشو ولا هنب فطر |
يجي لها وقت المقيل اهتماشي |
ركابهن من قصر أهل عكل ينشر |
والعصر له يم الهضيبه معاشي |
والصبح تشرف لك على قصور واقور |
داورد جعله للحيا والرشاشي |
يا ديب نحرهن لدحيم وعمر |
حيث انهم يلقا وراهم عراشي |
والا فلبناخي النواهض تخطر |
تلقا جواب لين وانبهاشي |
والا على اية واحد لا تخير |
أهل العويصي بالمراجل هشاشي |
سلم عليهم عد ما هل وامطر |
واعداد ما يمشي على الارض ماشي |
قل شات وضيفتوا بها السبع الانمر |
فهد زراج بالخلا ما يهاشي |
جلمود صخر مر واقفا ولاضر |
وان كان شحيتوا تجيكم بلاشي |
وان كان راعي القيل منا تعذر |
ترى فتى ما يقبل العذر لاشي |
وترى حلاة ارشا سميره يقصر |
وان طال ما خلي عليها قشاشي |
وحنا نعرف قرومكم والمعثر |
وامسنعين حصينات الخشاشي |
يقوله اللي للشواعير ماقر |
عد اذا كثرت ظواميه جاشي |
عد مصاديره على الضلع الأسمر |
مران بهاج الكبود العطاشي |
المرجع: من آدابنا الشعبية - منديل الفهيد |
|
