أحب الرياض وحبها ما عليه غبار |
وطنا العزيز الي على ارضه تربينا |
وحب الأمير الي له المجد واله الكار |
تثنا بيوت الشعر ونقول موفينا |
ألا يا هجوسي ساعديني وأنا بختار |
عسى الله على نظم القوافي يقدينا |
لك الله يا سلمان لا ردة الاخبار |
وبانت مواقيف الرجال الميامينا |
اليا جتلك كبار المصاعب تروح صغار |
ذرا نجد اخو نوره زبون المخلينا |
حكيمن فهيمن فارسن قايد مغوار |
حليمن رؤوفن بالضعوف المساكينا |
لك الراية البيضاء يبو فهد مهما صار |
وجودك يشرفك بكل الميادينا |
بنا العاصمة لين أصبحت تجذب الزوار |
رياض الثقافة من منول وهلحينا |
وعانق تطورها اثريا مع القمار |
تطور حضاري بين ناسن فهمينا |
معالم حقيقية بها تحلو الاشعار |
تطور على كل العواصم تعدينا |
ابفضل الولي ثم البطل وافي الاشبار |
اله ما قفن في حزت العسر والينا |
اليا مد ما تدري بمد اليمين يسار |
جزيل العطايا ذخر ناس مسمينا |
ولا ثارت الهيجا وجا للفتن معصار |
وبانت علوم مرجحين الموازينا |
أميراً له الهيبه وله عندنا مقدار |
عسى الله يمده عمرا سنين وسنينا |
ثعلي غزاي العتيبي |
|
