|
| |
مرحوم يا نسل الملوك السلاطين
طلال بن فيصل بن خرصان
|
قصيدة رثاء في سمو الأمير سعد بن خالد بن محمد بن عبدالرحمن آل سعود رحمه الله
قالوا وراك اتسج فكرك أليا وين |
قلت أنتم بوادي وفكري بوادي |
ما ني بمعكم يا الرجال المتاقين |
الهم يرعى يا النشاما فؤادي |
ليا جيت أبي أقصد حولت دمعة العين |
صبحي صباح وطول ليلي هجادي |
مرحوم يا نسل الملوك السلاطين |
مرحوم يا أمير رقى بالسنادي |
مرحوم يا ستر البني المزايين |
مرحوم يا منصى طوال الأيادي |
مرحوم يا سعد كعام المعادين |
يا الله، منزل تبارك وياسين |
ولطفك وعطفك فوق كل العبادي |
يارب يا قابل صلاة المصلين |
أطلبك يا ربا عليك اعتمادي |
ومع طلبتي يا ربي أكرر آمين |
يا بساطا سبعا وسبعا شدادي |
هذا عزيز النفس في العسر واللين |
أمير وابن أمير ساس الحكيمين |
الله خلقهم نور للدار بادي |
إن جيت ابمدح به من يسار ويمين |
ماخذ كرم حاتم وصبر المهادي |
غيث الأرامل والضعوف المساكين |
غيثاً لمن حاديه بالوقت حادي |
شيهان لا عدو خيار الشياهين |
حراً كفوفه ضربها فالثنادي |
حراً ليا من عود العلم علمين |
سلايل ملوكاً حمو حوزة الدين |
دايم مباديهم خيار المبادي |
وسعد معقب له رجالاً وفيين |
عياله اللي مثل نار الزنادي |
نعم عوضنا الله على افراقه يعين |
|
|
|
| |
|
