|
| |
طولت التمادي
|
يا صاحبي ليه طولت التمادي بالجفاء والعتاب |
والمشكلة في يدينك من يدينك فتلها وحلها |
لا واحسايف قضى صبري معك يالترف والظن خاب |
بعد الوفاء والغلاء تجرد سيوف الهجر وتسلها |
رسائل الحب يالمحبوب كم عديت والقاف شاب |
وحبل الرجاء ما قطعته فيك مرة يا عساء علها |
لكن طال انتظاري ما وصلني منك رد الجواب |
وافرحت عذالنا يا صاحبي حتى شفت غلها |
ارحم وناظر بعين العطف وافتح للمواصيل باب |
والطف بحال بها حل الغرام العذب واحتلها |
قربك حياتي يرد الروح للعاشق وبعدك ذهاب |
وعشرتك يا صاحبي لو طالت الأيام ماملها |
حبك طبع وانطبع بالروح طبعه مثل طبع الكتاب |
ناظر جروحي بروحي يا عديل الروح وافطن لها |
في صوتك السحر كله والعيون السود فيها حراب |
ترد روحي علي اشوي لسولفت واتلها |
الوصل بين الأحبة يا حبيبي قوتهم والشراب |
مثل الحياء يحيي الدار المحل بالسيل لا حلها |
في فرصة سانحة فيها شياطين الاوادم غياب |
تروي الكبود العطاشاء من غرام الشوق وتبلها |
ساعة لقاء كان قام الحظ فيها قام والكيف طاب |
اقطف ورود الغلاء من طلعها والذابلة خلها |
وابيع واشري بحبك ما حسبنا للخسارة حساب |
يالغاية اللي نبيع الروح والغالي وناصل لها |
خذني قتيل الغرام العاشق الهائم عطيب الصواب |
واجيك ممنون ماطيع الاوادم لو حكت كلها |
مالوم من يذبحنه بالهوى تلعات بيض الرقاب |
معذور لو يجبر النفس العزيزة غصب ويذلها |
نايف قزعان الحويماني
|
|
|
| |
|
