شموخ

شامخٍ ومعانقك يحلا لها

ولو حسبنا للنجاح وللرسوب

ما زرعنا يالجراد غلالها

والشجر يرجم إليا جاله حبوب

وتجمعه سمر الدبا لعيالها

والعرب لا جالها (فاسق كذوب)

اتبيّن وتعرف مدخالها

لا يجي مطلاعها كله نشوب

ويحصل شي يكدّر بالها

لا تلمّح بالمجالس والدروب

وانت تدري منهو اللي قالها

واحدٍ كله على الشعر محسوب

مثل ما قال المثل يبرالها

والرجوله ما تحددها الجيوب

الرجال نقيسها بأفعالها

نشتري عرف الرجال اللي تنوب

بالشدايد وافي مكيالها

والشمالي صار له صدر الجنوب

بعد ما تضرب عليه أمثالها

كان ذنبي طيبتي حيّ الذنوب

وكل نفسٍ تنوزن بعمالها

وكانها بالشعر وإلاّ بالحروب

كل هاذي شاربٍ فنجالها

هقوتي ما هي عن الفرجه هيوب

مهرةٍ صفرا وأنا خيّالها

والقصايد وصفها غيدا لعوب

لا المحتني طوّحت في شالها

هاجسي عن عشقها عيّا يتوب

وحالف إني غير أطيّب فالها

موهبه من عند علام الغيوب

ما درسنا هزلها وجزالها
شعر: نهار بن ممدوح

في نجران ولإلقائهما قصيدة وطنية الصيعري يكرم الطف
شموخ
تاج راسي راعي السيرة العطرة
ورقة قديمة غبوقة الخطار
قلبي وروحي
نبرة شجن

المعقب الإلكتروني