|
| |
كفى ما جرى
|
كفى يا فؤادي ما جرا لي كفى تكفا |
دروب الهوى والحب لاعاد تمشيها |
ترى قد نصحتك عن هوى كل من قفّا |
وذا اليوم ذقت المر.. من.. بعد صافيها |
بفعل الهنوف اللي لها خافقك رفّا |
نستك وتناست شخص بالحيل مغليها |
عطى حبّه الصادق وعن غيرها عفّا |
ونوخ ركايب غربته في مراعيها |
لها خافق الملهوف بيّن ولا.. خفّا |
عسى كلمةٍ منها لروحه تداويها |
نهرتك ولكن قلت: ما اظنها تجفا |
أبصبر رجا، عل وعسى الرب يهديها |
وانا اقول لك: لا تنتظر منها عطفا |
وشرع شراعك وارتحل عن موانيها |
جفا الجافي يجفف غلا ما بعد جفا |
كما وردةٍ ذبلت بعد موت مسقيها |
أمَنْته.. و.. لكنّه بظهري ركز شلفا |
بطعنة غدر ما أظن.. الأيام.. تبريها |
وهذي الحقيقه لا إضافه ولا حذفا |
(دروب الهوى والحب لاعاد تمشيها) |
علي بن صاحب العمري - الرياض
|
|
|
| |
|
