حكاية مولدي

خايف احباب جرحي يزعلون

راحت البال جافت مرقدي

ولهفة الشوق زادها الشجون

ايسر الشوق جمره في يدي

وايمنه واصلٍ حد الجنون

جف نبع الغلا يا سيدي

مل دمع العيون من العيون

انتهى العمر ليلٍ سرمدي

وابتدى الحزن يعرف له لحون

بيض الاحلام غاية مقصدي

ليه أنا شوفها من غير لون؟

في سنا الصبح فرحي وسعدي

صبح الأحباب ما يعرف يخون

يا فرح لا تناسى موعدي

بالأمل عايش فوق المزون

مرني بعض الأحلام يعدي

ما تعلقت في حلمٍ فتون

سود الايام تحداني حدي

والكرامة على قلبي تمون

كم ليالي غزيت بمفردي

عزت النفس عندي ما تهون

طاحت الخيل قدمي وبعدي

وأكثر الناس عجزوا يوصلون

للكرامة حياتي وجهدي

ما اقبل الذل أكون أو ما أكون

ما احني الراس غير فمسجدي

لله اللي لوجهه يسجدون

يطلع سهيل ويغيب الجدي

ما تلفت براسي للمتون

والله اني ما غير ولا اعتدي

بس موتي ولا أعيش مغبون

اكره الخوف لو كان ولدي

وأعشق الصبر واللي يصبرون

وش طرى يالهواجيس ابعدي

هقوتي خيبت بعض الظنون

ليه أجدد حكاية مولدي؟؟

وليه الأوراق خانتها الغصون؟

يا ليالي على الصدق اشهدي

والبدر والقوافي يشهدون

لو نشف عرق الأيام الندى

ما حنى الراس لو مت مغبون!!!
عوض القوانة

رفرفة (حالي) في الزمن (المر)..!! عبدالرحمن حمد ال
حكاية مولدي
السليم يرعى حفل افتتاح ديوانية عنيزة للمحاورة وال
العازمي يعود من رحلة علاجية
ضامن عبيد قبل الإفطار: أعشق السفر وتغيير الأماكن
خاطرة

المعقب الإلكتروني