|
| |
إحساس عمري
|
يا مالك الروح كل إحساس عمري يبيك |
وانا أدري انك سواتي مالك أحدٍ سواي |
كل المشاعر تسولف عن غلا مهتويك |
تعزف لك اوتار قلبي عشق والشعر ناي |
هذي حياتي تراها كلها ملك ايديك |
افعل بها ما تشا يا غايتي يا مناي |
ارتاح لك واشتهي لاماك واموت فيك |
مهما عطيتك احس اني بخيل بعطاي |
يا كثر مافقت من حلمي عشان أحتريك |
أمنِّي النفس باللقيا ولاانت بمعاي |
اليا انتهى منك حلمي يرجع ويبتديك |
مهما سرى بي مشاويرك ورايه وراي |
ابحر معك وين ما وداني الفكر أجيك |
الله بالوصل لا يقطع رجاك ورجاي |
اليا لقيتك دريت اني بحبك دريك |
وليا فقدتك عمس جوّي وظلّم سماي |
تصدق انك بقلبي مالك أحد شريك |
وتصدق انك بنفس الوقت داي ودواي |
احنّ لك واتمنى شوفتك واشتهيك |
واشتاق لك واشعر انك قطعةٍ من حشاي |
من كثر مالك غلا قمت أتغلاّ عليك |
وازعل بدون أي حاجة منك ابعرف غلاي |
لا تحسب اني ليا قفّيت قلبي نسيك |
لا والذي كوّن الدنيا ويسمع دعاي |
وان كان للحين ما تشعر بالاحساس ليك |
بالله لا تجرح شعوري وتبحث خفاي |
عمري وروحي وقلبي فدوتك يا مليك |
آمر.. تدلل وانا اقول الك لبيه جاي |
والله لو تنشرى اني بالعمر لا اشتريك |
وارخّص الروح يا سبة هناي وشقاي |
عوض القوانه
|
|
|
| |
|
