لا تنحرج ابشر تراني نسيتك

اتبع طريق اللي تحبه ويهواك

الشاهد الله بالجفا ما نويتك

الاعقب ماشان طبعك وممشاك

ياما تحملتك وياما رجيتك

واليوم انا قلبي تعب من خطاياك

انت الذي في وسط عمري لقيتك

انت الذي ما طعت نفسي بلاماك

الله واكبر دمع عيني سقيتك

واسقيتني من كاس غدرك وجفواك

عذر وسموحة يوم جنبت بيتك

اعز نفسي يوم غيرت مبداك

انا اشهد اني بالموده عطيتك

حب اصيل وعين تبحث عن ارضاك

بليت نفسي في هواك وهويتك

يا شين حظي انكتب يوم فرقاك

يحق لي يا صاحبي لو بكيتك شي

بنفسي يا هوى البال يخفاك

يا طير ياللي تحت كفى غذيتك

اكفخ على كيفك وغرد بدنياك

جعلك عزيز ويرفع الله صيتك

وعسى الغيوم المقبله ما تحداك

** **

- سعد الخريجي