ياشوق شوف الغياب بمحجر عيوني

كثر السهر في غيابك يالغلا اضناني

بعض الخلايق على بعدك يلوموني

وشلون أسامح أنا بالله وجداني

ياهاجس الشعر وينك ضاق بي كوني

ويا كثر مامرّ به طاري على لساني

كثر الهواجيس منها شاحبٍ لوني

والبعد منّه شكيت الحال واشقاني

ما غير شعري بوسط الجوف مكنوني

يشكي معي للّيالي كثرة أحزاني

اعزف على أوتار حزني باقي لحوني

واردد الصوت وأطرب في صدا أشجاني

ياليل دمعي شكى بالضيم محزوني

الضيق مبطي تمر اخطاه ميداني

وحيدةٍ يوم جيتك خابت ضنوني

حتى المشاعر كثير أحيان تجفاني

حرّك شقاء لوعة الحرمان لشجوني

الوقت في ضيقته قام يتحداني

زاد العناء والهموم وزادت اغبوني

وشكيت مما جرى من زود حرماني

** **

- سميرة العتيبي