الموضوعات الأكثر
للشعر في الأحداث معنى ووقفات
ولا نيب فيها يا محمد محايد
تنقاد لي شرد الطواريق الأبيات
ولا خير في شعر على خير سايد
شاعر خصم مانيب شاعر فراغات
ويشهد على ما أقول وقع القصايد
حنّا هل الأمجاد وقفه وصملات
واهل الفعول البيض وأهل العوايد
نلطم وجيه أهل الردى والحركات
وناطاء على أرقاب الفتن والشدايد
ونقطع مع أهل الكذب كل العلاقات
ونزود بالطالات لا زاد زايد
نزعل وتسقط من زعلنا حكومات
ميقافنا عن سيرة الشك نايد
يعيش سلمان العرب والبطولات
الحاكم الحازم وسيع البنايد
سلمان سلمان الكرم والمروّات
سيفه على روس المطافيق جايد
وان راحت علوم المواقيف وان جات
العلم لأهل الشور بالشور عايد
يرجع لأخو نوره ولا فيه شكّات
راسٍ على الطاولات بالمجد رايد
على الطبيعه صح ما هي مضاهات
ولا هوب يرجي من وراها فوايد
يا دولة التوحيد وأرض الحضارات
فيك الشعوب تعيش والأمن سايد
يدوم عزّك يا بلاد الكرامات
شعبك عظيم وقايدك خير قايد
وحليفنا في كل شيء الإمارات
حزامنا عند اللقاء عيال زايد
دولة فخر ماهي بدولة عصابات
روس الرجال الحازمين الولايد
وحنّا في وقت مروجين الإشاعات
ناسٍ تحيك لمنطقتنا مكايد
تقرأ الكتاب ولا تهاب المضلات
روس الردى تأخذ عليها الشهايد
أكبر مثال لظاهرة بوق الأصوات
أهل الهياط اللي على غير فايد
مهمّشين وضايعين ومخفّات
يبون شيءٍ يا هل العرف كايد
الفرس والأتراك صاروا محطات
حطّوا لهم في عاصمتهم موايد
يا طيبهم بالهرج عبر القنوات
وان جاء الصحيح مكبرين الوسايد
اهل التلاعب والحيل والشعارات
من فعل ابو سلمان راحوا شرايد
** **
- جزاء البقمي