يا طول ليلٍ أفكّر فيك وأحاتي

وأمنِّي النفس في قربك وأصبّرها

وأقول بكره تزين وتضحك أوقاتي

واحزاني اللّي مضت في صدري أقبرها

الحزن أَثَّر على دمي وكرياتي

وملامح الوجه حيل الحزن كَبّرها

أجر آهات صدري من معاناتي

وادموع عيني عطيب الجرح يخبرها

أجر ونَّه بأثر ونَّه وونَّاتي

عَدَّى صداها الفضاء وشلون ادبّرها

حتى الكواكب فزعها صوت آهاتي

والهم عكَّر حياتي وحيل غبرها

والصبر عامل أساسي زاد لوعاتي

ونفسي ما عاد أقدر أكسرها أو أجبرها

كسر العظم ينجبر لو طوّل سكاتي

لكن كسر الخواطر ويش يجبرها

(ياعيد ميلادي) تكفى أرجوك لا تاتي

أفراحي ادري ياعيدي ما تسبرها

ضيّعت روحي سبب حزني وضيقاتي

وما عاد عندي عبارة حزن أعبّرها

** **

- مداهيل