قومي معي نرحل من الكون الأدنى

ونحلّ في كونٍ بدينا نسويه

نطّف من بين السحايب وتدنا

وعلى هوانا نشتغل به ونبنيه

ونعيش في كون المحبة وَجَدنا

ونزخرفه ونشجّر أرضه ونضويه

ونزرع لو أنّا قبل نزرع حصدنا

من مثمرٍ جاب الثمر دون نسقيه

نقطف وناخذ في يدينا عددنا

وناكل ونشبع لوّنا مالنا فيه

والغيم يسكب ماه ونقول زدنا

كلٍ يعارض صبّه الغيم بيديه

واليا بغينا الشي يجي ما اجتهدنا

واللي نفكّر فيه دايم نلاقيه

ويبقى لنا حضن الدفا لا بردنا

لأنا على دفي المواصل ندفيّه

ونحمي حدوده دامه أصبح بلدنا

ومحدٍ يطب بساحته دام نحميه

نكف ضيق الوقت لا من وردنا

وأطيب زمانٍ مر فينا نبّديه

والكون الأدنى داخله وش وجدنا

وهو على اسمه ما كذب من مسمّيه

حزنه حدر فينا وهمه صعدنا

والا عذابٍ مرّنا من يقاسيه

من يشهد بديناه شيٍ شهدنا

بيموت والعلّه تخمّه وتخطيه

من وقتنا خذنا العبر واستفدنا

وعزِّي لقلبٍ صار وقته مربّيه

صرنا نوجّه فالزمن من نشدنا

ومن ما يطيع يضيع محدٍ يقدِّيه

دنياً دينّه داخل الكون الأدنى

وما بين أياديها على الذل تحييه

وحنا بنرحل لاجل ننسى جهدنا

ونحل في كونٍ على الكيف نبنيه

وخلِّيك جنبي جعل يقبل سعدنا

واللِّي نبي نسوِّيه نقدر نسوِّيه

** **

- مرزوق الروقي