قصيدتي.. مِرٍ وعلقم حصادك

كِنّا.. وليت العمر ما كان كِنّا

أنا الشهيد اللي كتبني جهادك

الشِعِر موطن.. كيف ننسى وطنّا

ما أعتقد.. إلا متأكد زنادك

بلمسة شِعِر قد ثار منّا ومِنّا

كتبت غيّيي لين أصبح رشادك

الزود ياما سولف سنين عنّا

ترا المبادئ ما لها الا عنادك

مابه يقين الا يساوره ظنّا

الفكر صهوه.. تمتطيها جيادك

والشعر حنّا اللي بدعناه حنا

اما خسرت الحب والا استفادك

الشعر كسر القلب لو هو وزنّا

مابي اهيم بواديٍ غير وادك

قلبٍ من اللوعات عانّا وغنّا

- عبداللطيف آل الشيخ