الموضوعات الأكثر
البارحة مرت الذكرى عليّ وسريت
وذكراي مع طيفها يا طول موالها
غيداً ليا سولفوا عنها جنحت وسهيت
كن السوالف ترتب لي على فالها
أغيب مع ذكرها وليا إزهمت وصحيت
قمت استعيد المواقف وارسم أطلالها
يعني من أول مسارحها ليا آخر مبيت
كل المواعيد ترسيبي على جالها
احن لعتابها ساعات وأقول ليت
كل العتب ينكتب عنها ويقرالها
منها استمد القصايد في الغزل بيت بيت
تزهالها بيت عشق وبيت يزهالها
إن سولفت للرياض يضيق صدر الكويت
وإن داعب الريح غرتها زعل شالها
معها رسمت أول أحلام الغرام وبديت
ولدقها سولفت عيني عن جلالها
تغيب ويزيد عزمي دونها ما انثنيت
واغيب ولشوفتي تعنّ مرسالها
وليا جمعنا القدر وارهت عليّ ورويت
من نظرة عيونها ومعانق إقبالها
تقول نسيتني وأقول لا ما نسيت
ما زالت جروح مجنونك على حالها
وقامت وأنا قمت من حلم الخيال ودريت
اني مسا البارح اسولف على فالها
- نايف المطيري