عسى السحاب اللي مزونه مراويح

تميل للغاط الشمالي نصوبه

ترزم رعوده والكواكب مدابيح

حتى هل الارصاد ماقد دروبه

ويهل وبله فوق ذيك الصلافيح

يسقي شماليه ويسقي جنوبه

غب المطر تنبيك عنه التصاريح

من سمع باخبار المطر جاك صوبه

هي دار من ترهي على هبة الريح

عذرا لسمحين الوجيه مخطوبة

والبيت يبنى دون قفل ومفاتيح

قدم المسيّر ما تقفّل دروبه

ما يقلط الا فوق حيلٍ مفاطيح

وان راح عنا مكملينٍ وجوبه

لعل من يهضم حقوق الطحاطيح

من عقب راسه تاكل النار ثوبه

وحنا بظلمات الليالي مصابيح

سهلين صعبينٍ على كل نوبة

ياجاهلين الغاط مافيه توضيح

زوارها يلقون فيها عجوبة

- محمد الفالح