إن صار زود المال بيدين الانذال

حنّا من المعروف تندا يدينا

وان كانهم شرهوا على طيب الافعال

حنّا وردنا جمامها وارتوينا

وان فكّروا للجود يمشون رحّال

حنّا قبل يمشون يّمه خطينا

محمد الأحمد السديري

لو فراشك في طرف بيتك حصير

وأنت للعودة من الله بانتظار

واحد ما له وكيل ولا مدير

مدة الله تمتلي منها النقار

تجعل الغدران بالملزم تحير

وتجعل الوادي مريفٍ بالخضار

مرشد البذال

احرص على اهل الطيب حرّابة العيب

لو انّهم فالوقت هذا ذنانة

اللي بهم تكبر هقاويك وتصيب

ومعك على قسوة زمنك وليانه

واللاش لو هو من قريب المجاذيب

لايتّفق حذراك شانك وشانه

- راجح بن مشبب المقاطي