الموضوعات الأكثر
قال ابن مزيد ياعدو الله عود
الحرب منتا قدها والزعزعة
روحي ورشاشي وجمسي والنقود
لك ياوطن وكل ما أملك بدفعه
والحوثي اللي اعتدى على الحدود
واجب علينا نقتله واللي معه
الفرس أذناب النصارى واليهود
تحالفوا شلة زيود وشيعة
وعلي عبدالله صالح النذل الجحود
نسى المواقف واليدين مقطعه
هذا جزانا نكرمه وأصبح حقود
اللي غدرنا لازم أنا نوجعه
يا عندنا له درس والعالم شهود
في عقر داره ناصله ثم نخلعه
وسلمان ابن عبدالعزيز آل سعود
ساعة وقف كل العرب وقفوا معه
يقول أمان الدار فقيام الحدود
كل ما طلع راس لفتنة يقطعه
والفرس من فعلك تلطم فالخدود
وكبودهم يابو فهد متفقعة
والعاصفة بأمره بدت وأنا رقود
لله دره من ملك يا مشجعه
يابو فهد فعلك جميل ومحمود
ردعت من هو يحسب أنا مطمعة
يابو فهد شعبك يحبونك بزود
وأمرك مطاع وكل شعبك يسمعه
يابو فهد قدها وحنا لك سنود
عاداتنا من لا يطيع نطوعه
يابو فهد جيشك مجهز والحشود
قواتنا قوة مهيبة مفزعة
قوات جوية وبحرية تذود
أبطالنا لاجل الوطن متبرعة
حنا سعوديين همتنا تزود
عدونا ما يهتني في مضجعه
والمملكة يحمونها ارجال أسود
الكل منهم جاهز في مدفعه
وألا صقور الجو تضرب كالرعود
وألا أسود البر فوق مدرعة
واللي نوانا نمسحه من الوجود
عدونا لا بد يلقى مصرعه
شهيدنا يظفر بجنات الخلود
قتيلهم عسى جهنم تبلعه
وأشكر ولاة العهد وافين العهود
هم ذخرنا فالضيق وألا فالسعة
وختامها مني سلام للجنود
تاصل لكل مرابط في موقعه
إبراهيم بن محمد بن عبدالله آل مزيد - حوطة بني تميم