الموضوعات الأكثر
يالله أبك العزم وبك الحزم ولك الامر كله
يالمعين ويا بديع الكون يارب البرايا
اهدنا يالله لقول الحق واغفر كل زله
بين بيضان الوجيه وبين بيضان النوايا
عيدي يادار اخو نوره على مذهب ومله
دونك اللي تورد اخصامك على حوض المنايا
كلنا سلمان والدوله ابيه مستقله
نرخص الأرواح من دافع وفا شعب وحمايا
الامام القائد المقدام نغليه ونجله
كلنا نوقف على طاريه وندق التحايا
ايه ذا سلمان بن عبدالعزيز المجد كله
خيال العوجا طويل الباع مقدام السرايا
اخو نوره عزوته والسيف الأجرب يوم سله
طارت اشعوبه فرح ولا العدا طارت شظايا
العزيز الله يعزه والذليل الله يذله
الفعول فعولنا والحكي عند اهل الحكايا
في ظلال محمدين المجد كلن لقي ظله
وانكشف ليل المتاهه واسرجت جرد السبايا
ابن نايف واقف وشامخ على الروس المطله
فيه من سلمان بطش وفيك من نايف حلايا
وابن سلمان البطل كل البطوله في سجله
في مطايا الفرس يوم المعركة سوا سوايا
يركد الحوثي وداعش لو معاها ألفين شله
لا وقفنا مابقى لمروج الفتنه بقايا
المصائب نعتبرها تمره وفنجان دله
والمواقف والدواهي ما لها غير الدهايا
هذا حنا من خلقنا الله صدورٍ مسفهله
نعشق عيون الحروب ونعشق عيون الصبايا
يا وطنا يا وطنا والله والله والله
ان نعيش أحرار وانت وقادتك بين الحنايا
- علي بن نايف الغامدي