حنا رجال الداخليه لأحتما الموقف نبين

ياكم من خاين ليا جينا تجيه ام الركب

صقور نايف فالهدد نرهي على الفعل السمين

وارواحنا دون الوطن ترخص لياحان الطلب

لو مات نايف سيّدي يبقى محمد فالعرين

شبلٍ ومن ذاك الأسد نابه على المفسد عطب

ولي عهد المملكه لأبوفهد عزّ العوين

وزير الأمن الداخلي للمعتدي نار ولهب

والفاسق اللي زاغت النعمه بعينه من سنين

يصير بإذن الله لنار معزّبي حزمة حطب

وحنا تحت رايه جنوده من يسار ومن يمين

يامر ويلقانا على هقوته في وقت النشب

حنّا حصون الدار من فكر العداه الطامعين

جنديّنا سيفٍ يقصّ العظم ويقصّ العصب

سيوف حقٍّ في وجيه أهل التطرّف ماتلين

ماهي سيوف اهل المحافل والملاعب والطرب

ونبرهن الأقوال بأفعالٍ تسرّ الناظرين

وقت الملاقا خصمنا دمه يوصّل للركب

فعلٍ يعز ابلادنا قبلة جموع المسلمين

في ظل سلمان السعد حكيم قادات العرب

والجاهل المخدوع نعطيه الخيار بحاجتين

إن مال للسيفين ولّا يعتدل لأم الرطب

وعلى المواطن عيننا تسهر لحفظ الآمنين

حنّا العيون الساهره مانشتكي جهد وتعب

وحجاج بيت الله لهم من عندنا يسرٍ ولين

نسعى لخدمتهم وخدمتهم لنا عزّ الطلب

ومعزّب العسكر محمد سيدي ليث العرين

يامر ويلقانا صقورٍ فعلنا فيه العجب

عبدالله ذياب العوني - أحد رجال الأمن بوزارة الداخلية