الموضوعات الأكثر
المجلس اللي فيه شذب العراقيب
مجلس شجاع الهرج وقت العوافي
حلفت ما امره ولا اجيه ياذيب
ياجعلها تسفي عليه السوافي
مالي ومال اهل الردى والعذاريب
الحر ما ينزل على كل هافي
عنهم رفعت النفس في مجلس الطيب
المجلس اللي بالمعزه يشافي
على النقا حشمه ودله وترحيب
وسوالفن بين النشامى انظافي
مرتاح بالي مع رجال المواجيب
العز قدمي والمذله اخلافي
وان دق في صدري اهجوس وهناديب
وذكرت لي حي عساه امتعافي
كرمت من مجلس اكرام الاصاحيب
وسجيت رجلي مع اوساع الفيافي
واليا وصلت لعاليات المراقيب
عديت فالمرقاب والجو صافي
اجاذب الونات واعوي كما الذيب
والصدر بيح كل ما كان خافي
سبة غرام اللي سكن بالمحاديب
اللي سبب فرقاه ناسن اضعافي
ناسن تعكر صافيات المشاريب
يالله عساهم بالسنين العجافي
- حمدان مسعود الرقاص