الموضوعات الأكثر
عندما تكون المحاورة بين شاعرين يمتلكان أدوات هذا الفن العريق فإن قيمتها تكون عالية بين متذوقي هذا الموروث العريق.
إليكم هذه المحاورة التي جرت بين اثنين من عمالقة المحاورة، وهما الشاعر الكبير/ أحمد الناصر الشايع والشاعر الكبير/ مطلق بن حميّد الثبيتي - رحمه الله.
أحمد:
عيني تحب أصحابها والله يلوم اللي يلوم
بجماد والا في رجب عيني تحب أصحابها
ياللي تحل انشابها عطنا الخبر واخذ العلوم
وانت الزغيم المنتخب ياللي تحل انشابها
مطلق:
لا يختلف مضرابها بين الشلاو والبقوم
حتى نلبسها الذهب لا يختلف مضرابها
اليا حسبت احسابها حظك ليا شا الله
يقوم لابد توفي بالطلب اليا حسبت احسابها
أحمد:
الخيل وش ركابها كان اقبلت قومٍ لقوم
والطير يدعى فالسبب والخيل وش ركابها
اهل البلد واجنابها ياللي تعرفون السلوم
احدٍ صدق واحدٍ كذب ياهل البلد واجنابها
مطلق:
ياللي تهز انصابها عينك لك الله ماتنوم
النار شبت فالحطب ياللي تهز انصابها
ظلما ولا يسرابها غابت بها كل النجوم
ياللي مسري لك عرب ظلما ولا يسرابها
أحمد:
بعض الدير واشعابها يمطر سماها كل يوم
ولا بها غير الخشب بعض الدير واشعابها
ضاعت وربي جابها بين المخابي والكموم
واقول لله العجب ضاعت وربي جابها
مطلق:
يانعمة فلّى بها طيرٍ مع الغبشة يحوم
يحبي على روس الركب يانعمة فلى بها
ضّدتك مانرضى بها في برد والا في سموم
ياكحل مخلوط بشب ضّدتك مانرضى بها
أحمد:
انته تراك اسبابها لعل ستر الله يدوم
واللحم أخير من العصب وانته تراك أسبابها
راع العصا عيّا بها يفطر على العز ويصوم
جنّب مطوعة الصعب راع العصا عيابها
مطلق:
حيّة تمد انيابها والها جهد والها عزوم
مير انتبه يابو لهب حية تمد انيابها
بعد افتحت لي بابها ماني مقصر فاللزوم
واضحك واغني من طرب بعد افتحت لي بابها
أحمد:
ياسترها واحجابها بايام هازم ومهزوم
لا تلحق الجاهل عتب ياسترها واحجابها
شفت اللحى واشنابها على النشامى والرخوم
ما عيشة الا في تعب شفت اللحى واشنابها
اختيار/ زهران عون الله المطيري - بريدة