مرثية في سمو الأمير سعود بن محمد بن عبدالعزيز آل سعود رحمه الله
يالله ياللي خالق الكون يالله
يا واحدٍ عالم خفايا عبيده
فردٍ صمد ماخاب عبدٍ ترجّاه
رحمان واعمار المخاليق بيده
ترحم سليل المجد والوجه والجاه
ابو هلا راع الصفات الحميده
رمز العطا اللي تفعل الطيب يمناه
والطيب والمعروف دايم عضيده
من طيب راسه ما تعدّد مزاياه
مقامه اكبر بالفعول المجيده
قايم بفعل الخير من طيب مجناه
وكل العلوم الطيّبة في رصيده
طيب وكرم والجود ساسه ومبداه
والمجلس اللي عامرٍ بالوقيده
اسعود لو اكتب به الشعر وانعاه
مانلحقه بالشعر شيٍ نريده
يرثيه جزل الشعر ويزيد ببكاه
ويزيد باالونّه على اللي يجيده
يالله عسى الفردوس داره ومثواه
وعساه ينعم بالجنان الرغيده
- نواف بن محمد الصخابرة