مرّت سنة واستبشر الشعب ثم قال

لك الولاء يا سيدي والقيادة

(أم الفهد العتيبية)

نبايعك يابو فهد ما بها جدال

شعبك يحبك يا وريث السيادة

(الوضاحي الغويري)

نختال بك ونعيش في عز وإجلال

الله يديم الك الهنا والسعاده

(مريم العتيبي)

يا سيدي نفديك بالحال والمال

وغلاك يكبركل يوم بزياده

(سراب الويلان)

لك في قلوب الشعب مسكن ومنزال

وشعبك معك حقق مناه ومراده

(ضي الفكر)

سلمان ياسلمان ياطيب الفال

نسل الملوك اللي مشو بالحياده

(شيهانة الجبلين)

سمع ٍوطاعة وابشر بعزك (رجال)

كلٍ على يمناك جهّز عتاده

(حنان آل فاضل)

يا عين حرٍ طاول المرقب العال

شوّق جميع الناس باول هداده

(بنت قبيلتها)

مليك فوق الغيم بالحزم يختال

أعلن على أرباب الضلالة جهاده

(فتاة تهامة)

أقوال توَّجها سموك بالأفعال.

هذي سمات أهل الوفاء والإراده.

(نور الوليدي)

يالقايد الانسان يانسل الأبطال

يامن نذر عمره لخدمة بلاده

(عبرة شعر)

المملكه باسمك غدة مضرب أمثال

تقلّدت وسم الشرف والرياده

(بروق بدوية)

حنا رقينا المجد بأعناقٍ طوال

حتى بدينا نحسب المجد عادة

(العنود الفضلي)

يا بو فهد ياويل خصمك اليا عال

يا طول ليله ما اهتنا في رقاده

(بنت راشد)

خصمك يشوفك يرتعب وانت خيّال

يا (بو فهد) مهما تجمّع جياده..

(بدر البدور)

يا سيدي منا الولاء. لك ولا زال

بالعز والتمكين عزم وجلاده

(صمت المشاعر الوآيليه)