يا للي ملكت القلب بالهون بالهون
لا لا تزوّد يا حبيبي طعوني
مشتاقة لك شوق المحبين بجنون
وما همّني لو العرب ينقدوني
تكفون يا أهلي سامحوني وتكفون
لا تعذلوني في هواه اتركوني
لو قلتوا الحب عيب مهما تقولون
ما اسمع ولا أوحي غير ونّة شجوني
اكتم شعورٍ بالحشا حيل مغبون
وان جيت أفضفض خايفة تفضحوني
متميّز الأوصاف خلِّي ومزيون
وفي مركزٍ عالي وطبعه حنوني
من عالية قومٍ للأمجاد يبنون
ودخيلهم ما هوب شاكٍ غبوني
حالي رديّة وكل يومين في دون
ابغى وليفي يا بشر افهموني
ما نيب جايزة عنه مهما تسوون
واقول حد السيف دونه يهوني
- العيون الشقية