الموضوعات الأكثر
الله يبارك في طويلين الاعمار
اخوان نورة مقحمين الدبيله
دولة هل العوجا بعيدين الانظار
حامينها بحدب السيوف الصقيله
أبو فهد مثل النداوي اليا طار
وحنا معه فرد وقبيلة قبيله
قبايلن ما هي عصابات ثوّار
ابنا وطن وخوان دم وفصيله
والعنصرية ما لها عندنا آثار
حنا جسد واحد وراسه يشيله
حنّا هل الناموس والمجد والكار
ما ناكل المتردية والهزيله
السيف والنخلة لنا رمز وشعار
حب وولا والسيل يتبع مسيله
يا خادم البيتين وبيوت الابرار
أبشر بعزك يا عزيز القبيله
اومر وتلقانا على يمين ويسار
ولا خاب من يطلب من الله وسيله
نفد الملك سلمان والحزم والدار
الساس عالي والرواسي ثقيله
ابن المطيري ذاع صيته بالاخبار
تعيش يا راع اليمين الطويله
لاجل الخوي والرد على موت الاخطار
أنقذ حياته من لهيب الشعيله
هذا الشجاع الهيلعي واف الاشبار
شال اللغم بايديه وخلا سبيله
من قوباس وراس يارد على النار
والله وقاه وهون المستحيلة
جندي سعودي راضين حكمن الاقدار
أمـَّا شهادة حق والا زميله
اسمه مع الويلان له تاج وشعار
عسى مع العربان يكثر مثيله
وممدوح مثلك واشقر العود يندار
ما بينكم يا كاسبين الفضيله
انتم لنا يا منبع الطيب تذكار
والمطير حمران النواظر دليله
يا عادل الممدوح يا ناس الاخيار
انت المديح كلها تستويله
مهما نقول من القصايد والاشعار
انا اعتبرها فيك والله قليله
يا عل من جابك بجنات الابرار
وأمك عداها اللوم ذاك الاصيله
قلة الدويش اللي شمخ حر الاحرار
مصافحه لايديك عز ونفيله
وأزكى سلامي عد همال الامطار
نوه حقوق ويسبق الوقع سيله
ألذ وحلا من لبن در الابكار
يرعن زهر نوار نبت الخميله
وخير الكلام وخير ما قلت أبختار
صلوا على المبعوث زاك الفضيله
- صالح بن رضيمان مرزوق العنزي