هذه قصيدة مجاراة لقصيدة الأمير خالد الفيصل في خادم الحرمين الشريفين الملك سلمان بن عبدالعزيز -أطال الله عمره وآدام عزه:
اببتدي من وين وابنتهي وين
خالد ولد فيصل جذبني كلامه
يا سيّدي خالد كتب بين قوسين
قلّدته اوسام الفخر والكرامه
يستاهل اوسامك طليق الحجاجين
له هامةٍ تفخر بها كل هامه
تتساهل اوسام الفخر من كريمين
انت الفخر والمجد حايز سنامه
من راس فيصل والفخر للعزيزين
راس الفخر شامخ عزيزٍ مقامه
انتم هل العوجا حزام المحبين
عدوكم ما يهتني في منامه
انتم ليا من جات وحده وثنتين
ما تعرفون إلاَّ الحزم والصرامه
دون العروبه تقلبون الموازين
وقفاتكم ما تعرف الانهزامه
وابو فهد خادم بيوت الحرمين
نمشي على نهجه ونتبع نظامه
حنَّا جنوده حزَّة العسر واللين
ولا يدس الراس غير النعامه
الدار مثل الراس والخشم والعين
وابوفهد مضفي علينا اوسامه
- فهد بن فلاج صابر الذيابي