الموضوعات الأكثر
سيدي سلمان ما فيها شكوك
الولاء يا سيدي نرفع شعاره
من دواكيكن علي قلبي تدوك
أبعبر من ضميري لي عبارة
يا المليك بن الملك ابن الملوك
الكلام اللي بقوله بختصاره
سنّةٍ على النبي سنّة لأبوك
وأنت مثله ماشياً ممشى مساره
البلاوي والمشاكل له تحوك
من يمين الدار ومنها في يساره
للفتن ضريع وسنونٍ تسوك
قالوا إن النار تالع من شرارة
راع العوجا خابرينه وأخبروك
الأسد يا قام تسيد النماره
لولي العرش تخضع ما أخضعوك
ميزةٍ بك الشجاعة والشطارة
يا فتلت الرأي عجزوا ما فتلوك
ماتت أسباع السباع من الحرارة
يا ولي العهد عز اللي نخوك
ابن نايف يقدح الرأس بسطاره
المراجل ورثٍ لجدك وأبوك
الصقور اللي تميز بالندارة
فيصلين بالمجاذب عربوك
سلسلة متسلسلة ماكر حراره
وزير الدفاع سليل الملوك
كفه اللي تودي العايل دماره
على الفهامة والشهامة أفطموك
والحماسة والسياسة والإدارة
راع الأجرب قال يا نجد الضحوك
ألبسي بحمايتي ثوب الطهارة
محتميك من المشركين الشروك
بحد سيفٍ يقطع الرأس وفقاره
أركزي دين الشريعة للصكوك
وأرقصي للفارس اللي به غياره
نوم عينه ما تهنى بالرموك
لين سمع صوت المؤذن بالمنارة
المعزي سارين ياطا بشوك
فيصلي الرأس حكيمٍ قراره
بين هذا وبين ذاك وبين دوك
عاد ملك الجد بعزوم وظفاره
بيتوه بشلف للصدر فتوك
عقبها نادى السعد فوق العمارة
أعلنوا بالعز من بعد الدروك
وأسقوا العدوان من كأس المرارة
الكلام الصدق بالقاف محبوك
والمعاني تنفهم رمز الإشارة
السلام ختام بحروفه ما ألوك
قلتها عقب صلاة الاستخارة
- الشاعر/ راضي بن دبيان الجبوري العنزي