ما عمر كلمة ليت بنت لها بيت
ولا فيه مهمومٍ قضت لازمه لو
قالوه قدامي هل المجد والصيت
أهل الأدب واللي على العرف حازو
تعبت ادور من على شوفه اشفيت
ومن قال كف عن التعب قلت له نو
متى نشوف اللي لقربه تمنيت
وانا مراسيلي لهم حول ماجو
ليا فات من ليل الشتا نصف سجيت
ان خفّت الأصوات وليا صفي جو
ويوم المنادي يرفع الصوت فزيت
لو ان من حولي يقولون لي تو
طلبت رب البيت عفوه وصليت
وبقيت متفائل عسى الجاي يحلو
ياللي ومرت الناس بالحج للبيت
فرج هموم اللي من الهم عانو
تقول كن ويكون بأمرك ليا شيت
وتعلم خفايا أسرارهم لا تناجو
ومن منطق الهدهد ومن كف عفريت
بأمرك نزعت عروش ناسٍ تعالو
أرجوك تغفر زلتي كان زليت
ياللي جعلت القاع يخضر من النو
- تراحيب بن سويلم العتيبي