الموضوعات الأكثر
شهر قبوله خير يا الخير الفضيل
يا جاهنا اللي هيبته ثقل ومقام
يا أميرنا المحبوب يا الظل الظليل
يا درعنا الشامخ من اخْوال وعمام
عدلك حسامِ بين ظلم ومستحيل
وباسك رحومِ للمظالم وابتسام
يا جعل عمرك دهر يا العهد الجميل
والله يحْسن لك على كل الدوام
يا ابن الملك يا أسمى من الفخر الجزيل
يا أطنخ شبابٍ علّمْ الفعل, الكلام
يا مسك خير الجود يا أفخم مسيل
محمد يا ابن سلمان يا القرم الهُمام
أبوك حاكمنا بشرعِ ما يميل
أبو فهد قايد, وحاكم في إمام
حافظ كتاب الله ولفتاته دليل
ما بين ضلعينه نقا, طهر وحمام
وجدك معزي المجد والجاه الجليل
أسّس حُكم دولة بحزم والتزام
سجلت لاسمك مجد غير اللي تشيل
حتى كسيت الفخر من ذكرك وسام
أوليتنا همْتكّ ثم شلت الثقيل
لنك تحب اتشوفنا دومٍ, أمام
ولايتك فينا, نسميها جميل
وجودك علينا ما يشابه للغمام
لنّ الحيا يمطر زمان ويستحيل
وأنته رغد كفك, عمْرّ حتى الهدام
ولي وليْ العهد, يا الشهم الأصيل
ودفاعنا بامْركّ وزارة واحترام
أكرم كريمِ عند مداتك بخيل
وأصخى جوادِ عند, فزعاتك يلام
عيدك مبارك يا تباشير الدخيل
يا أميرنا المحبوب في حرب وسلام
اتْشرفّ برفع التهاني لك وأكيل
ياسيدي قدرك كسى ابيوتِ حشام
وان كان لي حظِ بدل حظي العليل
أبغى تحت ضفْكّ, قوافييّ رخام
أبغى أكتبك يا أمير يالفضل الفضيل
في كل يوم وكل شهر وعْ الدوام
- ريم الدوسري