بين الظروف وبين قو العزايم
وبين الهقاوي والسنين الشحيحه
وبين التفكر في الأمور العظايم
وصدر الصديق اللي يقزي فحيحه
اللي لحقه من أهل العرف لايم
له نيته يمكن تعجل مطيحه
صديت عن شرواه شائم وصايم
ببعد عن المترديه والنطيحه
ما همني هرج الضعوف الهلايم
اللي عليهم من هل الطيب صيحه
ورسمت صرح ٍ له أساس وقوايم
ونهجت منهاج الوجيه الفليحه
وعرفت بأن مع العزايم غنايم
واللي يوقف في طريقي بأزيحه
خصوص من يمشي وهو شبه نايم
جوه مغيم والروابع فضيحه
ولو طاح وسط البحر ما هو بعايم
والمشكلة ما يستمع للنصيحه
ما هو يفرق فالنصر والهزايم
ويذم فالعالم والأسماء الصريحه
جعله أفد للي يفعل الطيب دايم
وهمه وسره للعرب ما يبحه
واليوم سيف العدل ضد الجرايم
وأصدورنا تبقى فجوج فسيحه
ومنلام لو سددت بعض القسأيم
وحذفت بعض أرقام ذيك الشريحه
- مهدي
