لأجل ذكرى الأمس

توني باضعف وأجي لك واعتذر

لكن اتمالكت نفسي واستخرت

والتحدي صرت قده وأفتخر

والله إني في نظر عيني كبرت

أحسبك مثلي ولي كل العمر

وياخسارة (عمر) لك فيه انتظرت

وما أظن وما اتوقع نستمر

ولو جرى لك بعض ماجاني عذرت

بين الاستسلام لك (سنتي متر)

ولكن آبشرك حاولت وقدرت

موتتي عندي تهون ولا انكسر

وصرت عادي كلما ببالي خطرت

الخفايا بانت وويش انتظر؟

وكل لهفاتي معك منها عبرت

المحبة صدق واحساس وقدر

والف فرصة لك منحت وما ذخرت

ولاجل ذكرى الأمس تامرني أمر

بس في غير المشاعر لين امرت

- سعد الشليل