علاج الحماقة

لولا تجاريب الحياة الدقاقة

ان كان ما كلٍ يعالج ظروفه

احدٍ قدم رجله على الخير ساقه

لو يلحقه من جور وقته كلوفة

بينه وبين الطيب حلف وعلاقة

ساير زمانه بين امانه وخوفه

واحد عليه العرف ضيق نطاقه

تمره دروس الليال وتطوفه

ماله على صكات الايام طاقة

راحت حياته بالندم والحسوفة

ما ميز العاقل عن اهل الطفاقة

الا اتزان يشرفه في وقوفه

والى انفتح له من عنا الوقت طاقة

باسلوبه الراقي يرتب حروفه

ناسٍ يعالجها بصبر ولبقاقة

وناسٍ يعالجها الزمن في صدوفه

والصدق ما اصعب من علاج الحماقة

يبلاك راعيها وعينك تشوفه

أحمد سعود الحمد - الزلفي