من الراس للراس

يا غافل انشد من مضى له تجاريب

حيٍ جرى له في حياته عزاري

الميت ما يصحا على شقة الجيب

ولا ينفعه بالقبر سفك العباري

اتبع دروب العز لو هي مصاعيب

إن شفت من ربعك صدود ونكاري

والمبغض المقفى كثير العذاريب

لا تتبعه لو هو جديد الاثاري

- محمد الاحمد السديري

لا تبتلش بامشاجرة كل غادي

عذلك لمن لا يفهم العلم ما فاد

ما تسمع الصقهان صوت المنادي

اصقه ولا يسمع للاصوات وش عاد

الطيب لو هو ينشري بالمزادي

كلٍ شرى لينه من الطيب يزداد

والجهل يلعب بالعمار الجدادي

والعقل ضد الجهل كان البخت جاد

- مرشد البذال

با امدح الطيب ولاني مداري

واللاش لا خايف ولا حاسب له

الفرق باللي ياصلون المحاري

وإلا الردي شرهات مثلي تزله

أبي خويٍ ضاريٍ بالمساري

ماهو مهينٍ يرقد الليل كله

ومعنا قطامي يصيد الحباري

لحّاق لاكوبر له الخرب شله

- بدر الحويفي