Wednesday 23/10/2013 Issue 15000 الاربعاء 18 ذو الحجة 1434 العدد
اشكي أسراري
هيضيني يا حمامة هيضيني
ثيري أشواقي ترى قلبي عليل
ياهنيك وقت مَنتي تشتهيني
ترفعين الصوت باللحن الجميل
لا تهيضتي بكيفك تلعبيني
فوق غصنٍ كلما هبت يميل
ليتني لاقلت شعري تحفظيني
واسْمَع ابياتي على صوتك هديل
وعند نافذتي تعالي واطربيني
كل ظهري بَسْمَعك ما بي المقيل
وان بغيتي ياحمامة سامريني
واقطعي عندي من الليل الطويل
بشكي أسراري عليك وعاهديني
علّني ارتاح من كثر المشيل
وشيلي اهمومي معاي وسامحيني
كان بكّيتك قبل وقت الرحيل
وكلما جيتي تغنين اذكريني
وغنّي من ابيات شعري لو قليل
واقربي من حول بيتي واسْمعِيِني
وارفعي صوتك ولو دمعي يسيل
واطلبيني ياحمامة وش تبيني
مايضيع الطيب عندي والجميل
- شاعرة نجد
