Thursday 17/10/2013 Issue 14994 الخميس 12 ذو الحجة 1434 العدد
مشاعر ود
لو غبت ما غاب طول العمر هوجاسك
مشاعر الود تسرح معك وتجيبك
ومشاعرك مثل ما اشعر فيك واحساسك
ما هيب في حال تبعيدك.. وتقريبك
تأكد إني خذيت العلم من رأسك
في كل الأحوال مهما عشت تعذيبك
واخذ برأيك وأقيس بفن مقياسك
وارجع واراجع مع الذكرى مكاتيبك
أشوف للود مبدأ في سطر باسك
واضح ولو ما كشف عن غايتك غيبك
تقول لي لا يعيش الهم من ياسك
ومن قمة الطيب لا تقضي مطاليبك
خلِّي طموحك.. يفوق حدود مرواسك
تجاوزي بالهدف مضمون ترتيبك
وأنت الوفا عالمك.. والشوق نسناسك
والصدق رمزٍ.. من رموزك واساليبك
وما دام هذا.. وذاك.. وذاك نبراسك
من واجبي حفظ منزلتك وتوجيبك
يا غايتي من شعورٍ عايش إحساسك
اطلب على العز وألبّي مطاليبك
الشاعرة: فتاة نجد
