Wednesday 16/10/2013 Issue 14993 الاربعاء 11 ذو الحجة 1434 العدد
تويتات شعبية
رفيقي واعده عندي اصفى من الينبوع
من أبسط حقوقي قبل يزعل يراجعني
ولانيب أحسب غلطة من قصير البوع
ولوهي كبر ضلعان اجا ما تزعزعني
عبد الرحمن العريفي
**
إني أحبك، حاجة ما بها شك
وإني على كيفك أجي، كلها أشكوك
امس انفتح لك باب واليوم ينصك
تدخل بطيب او تترك الباب مصكوك
كرامتي لو افقدك عندي ابرك
لا تحاول انك تفرض شروطك أرجوك
إبراهيم السمحان
**
تعبنا نقابل كل غلطه بصنع اعذار
صبرنا ولاظنه بقى للصبر خانه
أنا اللي أعرفه... منهج الخاين الغدار
هو اللي فعوله عكس ما ينطق لسانه
ممدوح التويجري
**
لا لا تمادى في خيالك وأمانيك
ومد اللحاف اللي على قَدْ رجليك
لاصار وضعك ما يوازي هقاويك
ترى القليل اللي عن الناس يغنيك
ماجد بن عجب
**
هو طيري اللي للنواميس هداد
وانا فتاة احلامه اللي هواها
على الشرف جاني وانا جيت وراد
وعلى النقا نفسي تبيه وبغاها
الجفول
