Wednesday 16/10/2013 Issue 14993 الاربعاء 11 ذو الحجة 1434 العدد
أبواب الطيب
الباب لازم نفتحه يابو حمّاد
للضيف والعاني وجيران بيتي
اما يجي ضيفٍ على غير ميعاد
يبالوناسة والقرى والمبيتي
والا يجي عانٍ من البعد نشاد
ولا شاف بابي منقفل قال ليتي
ما جيت يمه وانقلب هم وانكاد
ومن الكدر تسمع لصدره زنيتي
وش موقفي يا راعي الشور لا عاد
ما عاد فيّه خير لا ضاع صيتي
الوجه ستره واجبٍ عند الاجواد
ومن لا ستر وجهه عظامه رميتي
يموت مفلس مثل شداد بن عاد
ويقول يا نفس الشقاء وش لقيتي
بعض العرب كنه على الطيب ينقاد
وبعض العرب مثل الحصان الصويتي
هذا الجواب المختصر فيه ما فاد
ردٍ على ما قلت عن باب بيتي
- غازي عجاب الفريدي
