Tuesday 08/10/2013 Issue 14985 الثلاثاء 03 ذو الحجة 1434 العدد
أشتاق لك
اشتاق لك شوقٍ يفوق التواصيف
اكبر من اللي ناوين لك اقوله
اشتاق لك والحب يكتب سواليف
ياغاية المشتاق عرضه وطوله
لك في حنايا الذات من دون تزييف
اعظم مكان فيه حاكم ودوله
ماشفت مثلك بين كل المواليف
ولا احدٍ وصل حبك ولا احد يطوله
فيني غلا انسان من دون تحريف
شي من الله والمشاعر وفوله
تلعب بقلبي دون دفه وتجديف
وتاخذ حنينه والغلا والبطوله
فيك الوفى خصله ولاهي تصانيف
توفي بحبك والغلا في اصوله
اشتاقلك والشوق سوى سواليف
ياغاية المشتاق عرضه وطوله
فهيد البقعاوي
