Tuesday 08/10/2013 Issue 14985 الثلاثاء 03 ذو الحجة 1434 العدد
ما بقى بي ريايا
مبارك الخليفة شاعر مميز له بصمة خاصة يصنعها بحرفة شعريه بالغة:
لا عاد تنشد ويش وسط الحنايا
صدر الشقاوي بالتشوّق مشقّا
شوّقت قلبي من جميع النحايا
اذنين وبطينين واللي تبقّا
حتى الريايا ما بقى بي ريايا
حطيتها لك فرش وامش وتوقّا
اخاف من شوقي تحوشك شظايا
ماهوب شوق وبس ,, شوقي ترقّا
ورّدتني لا اخطر حياض المنايا
واثرك على الميراد للموت سقّا !!
الله حسيبك يا خبيث النوايا
تضحك لي ونيّات قلبك تتقّا
ترسل لي سهوم المنايا هدايا
وعادك من اهدائات روحي تلقّا
و-ما زلت- تسأل ويش وسط الحنايا
لكن -ما زلت- أقول ,, طب وتنقّا
مبارك بن عبدالله آل خليفه - دولة قطر
