حب الوطن
حب الوطن في داخلي ماله حدود
حباً توارثته من أجيال لأجيال
يبقى معي ما دمت حياً وموجود
أفديه في روحي وورث له أرجال
واليوم يومك يالوطن جعله يعود
بالخير ويحرسك من شرور الأنذال
يا موطناً بالخير والدين مشهود
يا مهبط الإسلام يا دار الإبطال
دارا بناه معزي الفعل والجود
أسس لبنياناً على الشرع مازال
من يومها والشعب في ظل آل سعود
ينعم بأمن وخير في كل الأحوال
وحنا لقايدنا مطيعين وجنود
للحاكم اللي للصعيبات حلال
ولاء على الطاعه بلاء شرط وقيود
ما هو ولاء من ينقض العهد محتال
وصات شيبانٍ لنا أبوان وجدود
اللي وفوا بالعهد ماضين الأفعال
وقفوا مع الحاكم له الدروع وعضود
فرسان مايشكون من ضيم الأهوال
تاريخهم يعرف ولا عنه منشود
لكن في يوم الوطن حق ينقال
واليوم ساعة حمد وسهود ومهود
يبقى الوطن أغلى من الحال والمال
أقولها والفكر ينشدني الزود
والعذر وان قصرت في بدع الامثال
- سعد الشقحاء
