الطير مات وكافل الرزق ما مات
والحي يرزق طير ثاني بداله
وارجوك لا تحزن على الحظ لافات
كم واحد حظه يضيع حلاله
واليا غداله شي ينسى الصلاوات
ويفقد توازن ميلته واعتداله
يسرح ويمرح في قصور مبنات
لين يتعشى حضرة الضيف حاله
تضحك له الدنيا على الكيف لا جات
وإلى ادبرت تصفق يمينه شماله
ينسى صواديف الدهر فيه غفلات
ويضحك طرب لا شاف جوه صفاله
ما يدري ان الوقت ساعه وساعات
والخير لامن زاد فحذر زواله
- رويفع بن دبسي العتيبي
