يوم اعلنوا سلامتك يا كحيلان
عم الفرح بقلوينا بانسجامي
وصرنا نغرد بالرسايل والاوزان
والشعر في مدحك وشرواك سامي
على معافاتك يابو كل الاحسان
والشعب يهديك الغلا والسلامي
ويرفع لك التقدير من صدق وجدان
يابو الوفاء والعطف عال المقامي
مشاعرن بالود مامثلها كان
معطره بالعود لك يالقطامي
يا نسل ابو تركي لك المجد عنوان
وخذيت من راس السنام السنامي
مواقفك ما هيب تحتاج برهان
نورن نشوفه ماغشاه الظلامي
وان جيت اعددها كثيرات واسمان
يشيب قافي لا ذكرت الاسامي
هذا كلام الصدق ما نيب غلطان
والله يحفظك يابو متعب دوامي
- نواف بن محمد الصخابره
