يا اعز الأصحاب عن ماراح لاتشرح
السالفه ياوسيع العرف مشروحه
عوج السوالف طبيعي سيفها يجرح
ونصد عنها لو ان الروح مجروحه
من شان تايه مع الهاجوس لاتسرح
الـرجل من هـرجته يبين منضوحه
لايصير صدرك لغارات الزعل مسرح
ارفع مقامك بصمتك وابعد الشوحه
ماكل وجه تشوف بشوفته تفرح
ولا كل مخطي تقول اخطاه مسموحه
قل لي لوانت بمكاني من تبي تجرح
لا ضاق صدر الشمالي وزهقت روحه
وان طعت صاحبك لاتجمع ولاتطرح
راع الخطا راح والروحه هي الروحه
رشيد الفريدي
