تكالبت نايف رحل عقب سلطان
مصيبةٍ حلّت علينا كبيره
بالأمس حزن وعمّت اليوم الأحزان
موت الشيوخ أهل الوجيه السفيره
مرحوم يا شيخٍ له العدل عنوان
نايف على الإرهاب سيفٍ شطيره
رجل الوطن والأمن نايف كحيلان
لأجل الوطن وأمنه عيونه سهيره
لينٍ بعطفٍ مع صرامه بميزان
ملاذ لقلوبٍ تجي تستجيره
يالله يا منشي شهاليل الأمزان
ترسل على قبره سحابٍ مطيره
ولعل له في جنة الخلد مسكان
ولعلها له عقب دنياه خيره
الشاعر/ محمد الخربوش
